USB手指攻略（一）：選購篇

USB手指攻略（一）：選購篇

上星期大學舉辦電腦產品展銷，同事們都問我意見。其實我都只是個用家，一向都沒有研究那個好，那個壞，不同品牌的USB質量應該差不多，容唔容易壞只是睇彩數，選購時自己就只會著重容量和速度。

容量大家都好易理解，4G就是4G，很易看得通，但速度方面，大部分人都會忽略，其實這是十分重要的，尤其是那些會經常抄多同大files，快與慢真的很大分別，所以不要為了慳少少錢而買隻慢手返來。要留意的事，速度亦分兩個，一個寫入手指，一個讀出手指。讀出的問題不會太大，因為大部份手指都有20MB/s-30MB/s的讀取速度，一般應用來說分別不大，不是read太多file來說20MB/s係可以接受到；速度問題在於寫入，由7MB/s到20+MB/s不等，得個位數字的寫入在一般應用還可接受，但一遇到大量寫入，惡夢就開始了。我曾經試過抄過百個很細小的html file到手指，快手幾分鐘就完成，慢手成個鐘都搞唔掂（唔知係唔係太耐hang左），慢手跟本完成唔到工作，所以真係做野的話就唔可慳，比多少少錢，買些大廠有口碑的。

速度一向不被大眾重視，可能因為廠商沒有多加宣傳，他們覺得大部人都無必要快，同埋快慢除了睇手指本身，亦要睇電腦的速度同狀態，所以大部份手指並沒有寫出佢有幾快，有部份會有60x, 100x, 200x來代表，但不同品牌都無法直接比較。有些手指包裝上有寫速度，但不能作準，我試過一隻盒寫12MB/s寫入，實際自己測試得個位數，所以盒面寫果d要打個折扣安全d。如果大家要知道那較客觀的速度，就要在購買前在各大forum中找找有沒有高人曾為那手指作出測試，和看看它的口碑。

以下幾個我測試過的品牌的手指速度表現：

Brand / Description	Write MB/s	Read MB/s
EKMemory - 4G (Made in Korea)	7.4	32
Vertbatim Store'n'Go USB Mini - G (Made in Taiwan)	11	32
Buffalo High Speed USB Flash Type S - 1G	16	29

如果你手上有另一款手指想測試佢的速度，可以用ATTO Disk Benchmark，google一下就可以download到，之後歡迎告訴我你的測試結果。

個人建議俾多少少錢都要揀一隻快手，最少都唔好用慢手。