咁快就一年lu...

咁快就一年lu...
還記得上年今日...
今年是平靜...下年又會怎樣...
要記住, 做錯了不要緊, 只要從中吸取了教訓, 還要謝謝給我機會的"老師"。

一個月了...

沒見她一個多月了...沒有收到她的短訊一個月了，開始習慣沒有她，重回自己的生活中，雖然間中亦會想起她，會掛住她，會擔心她，但明白要放下，所以將她放在心中的一角，想念時默默地送上祝福。自己的的確確是改變了，對自己寬容了，學習到要自私一點，感覺成長了很多。

在這一個月裡，真的很高興有很多朋友向我伸出援手。原先只想一個人慢慢地站起來，沒想到你們會靜靜地把我扶起。自己另一樣學習到的東西就是對朋友付出之餘，亦要給機會別人向自己付出，有問題要大家一齊分擔，報喜不報憂的壞習慣要改，我會努力。

人生旅途上會發生很多的事，遇見很多的人，有些人會與你同行，有些人會擦身而過，有些人會把你撞倒......這些都是經歷，人經歷了才會成長。要對自己坦白，找出問題，面對問題，然後解決問題。

告訴大家阿為已經走出困局，謝謝各位，沒有大家可能還在迷途中。

Excel VBA

用Excel加vba寫小型application真係好快，高效率，又容易控制output的樣式。今日就用了幾個小時寫了一個print on demand的application form，如果用java寫，只係寫output果d format就可能要花一兩天。

今日一寫先發現自己的vba功力原來那麼强，想做乜就寫到，一來VBA係好易寫，二來寫了好幾年，好多code都有自己的reference sample，不用上網search，聽日個application就要用了，唔知個performance得唔得呢？我今日仲同上司講30秒內完成一個查詢＋印表格，希望聽日順利la...

你地有冇人有興趣學vba呀，我有興趣教ga...

唔知vba係乜？簡單來講，以excel為例，就是在你平時做的excel上加入programming的自動運算，好似一個button就format好一個report，做埋filter / sum / extract useful information，再送埋去printer...幾百個click，彈指之間就可完成。想了解多d可以google或問我。

為自己加油

倦了就應該好好休息一會，休息並不一定指訓覺，做一些自己喜歡的東西，和朋友傾下計，聽住音樂行行商場，博物館都很寫意。完全放下工作，叉叉電才可繼續向前衝。記得之前曾經玩過一個turn-base的遊戲，每逢休息唔做任何野，軍師都會話「休息是為了走更長的路」，在現實世界中應該是對的，有時真係要俾自己冷靜下，休息下，好好再計劃一下將來的路。

近排覺得很累，返工時工作很忙，有做不完的工作，樣樣亦要小心去做，不可有半點錯誤，亦不可半點延遲。所以放工後真的要好好休息下，不要再將疲勞累積下去。

Come on…加油加油…

活在炎熱天氣中

今年天氣真係反常，早前日日落雨，落到人都驚，近日就日日陽光普照，晒到人都會熔真係唔想出街，一係就一早出去睇早場加行商場打書釘。今日我就係咁。

今早睇o左赤壁，有點失望，沒有想像中那麼多的大場面，部份戰爭場面亦覺得太血腥，戰爭可能真係咁殘酷，但無必要這麼多，節奏亦較慢，好似拖住拖住咁做。不過值得一讚的是選角，除了幾位主角外，其他的主要人物，好似關羽，張飛，魯肅，甘寧的做型如打機的有九成相似，一出就知道他是誰，整體來說我會覺得不值入場睇，睇DVD已經足夠。

今日打書釘，無去書展，只係商場內的書店，一睇就成三個鐘，企到腳都有ｄ倦，睇了兩本書，一本講一個前AO轉做freelance自由人的經歷。其實要做自己想做的東西可以很容易，只要有勇氣﹑信心同對理想的執著。講是很容易，但做起來壓力真的不少，最少要應付身邊的家人，朋友的無影壓力，我想我真的沒有這份勇氣呢？不過唔做自由人，亦可以做自己喜歡的東西，還記得我們每天都有黃金四小時嗎？只要好好利用，亦可以開開心心完成自己小小的夢。

忙中有錯？

最近成日做錯野，好彩唔係公事，係私事，先是上網交費交多o左用令到張咭over limit，用了十幾分鐘打電話去waive，跟住入錯internet banking的password令到lock account，要用了一個下午去銀行re-activate番，今日又發現唔記得找咭數，又要打去waive。一次錯失可以原諒，一個星期內連犯幾次真係要好好檢討下，係唔係太忙引至唔小心？Anyway，一定唔可以再犯不必要的錯，有咭數一定要即找，唔可以俾銀行有機會收我charge。雖然可以無限waive（我個fd話的），但如果佢唔waive都無佢辦法。

順帶講一講，銀行的charge九成都可以waive，waive唔到十足都要一半，唔好咁容易做闊佬俾錢。

記行山

近半年沒有行山了，原本星期日的行山活動提早了一天，一行六人走走大潭水塘。五位山友中四人都不太認識，可以話新相識的。他們的速度和從前一行的hallmate比，真的比較慢，應該走３小時的路，足足走了四個多小時。以前見人過人，現在就俾人過頭，連小狗都比我們快，不過一邊行一邊傾計，感覺都唔錯，加上天公做美，有舊大雲，間中有風，好舒服。

水塘的水較我估計的多，瀑布般的排洪卻看不見。anyway總算愉快的一天。

行山後一眾去食晚飯，言談間講起步行速度，我話他們慢，他們卻認為放假應該放慢腳步。我唔知佢地平時係唔係行得快ｄ。其實我都唔算行得快，放工時間係中環，我速度真係算偏慢。

送慳電膽最後一程

近日家中的廁所的慳電膽壞了，用了都有成十幾年，總算鞠躬盡瘁，它雖然壞了，但亦不可以胡亂丟棄。因為燈膽內有大量有毒化學物，處理唔好會破壞地球，咁要點送去最後一程好呢？於是便上網google一下，發現原來特區政府已有了回收的計劃（真係有點意外）。慳電膽，舊電腦，舊叉電池，全部都有回收計劃，各區都有回收點，的確係有很好的"善終服務"。


那個網頁寫得幾好，不用一會就找到沙田實惠有回收慳電膽箱，好la，搵日就將它送去，等佢可以安息。如果大家又有舊野要丟，真的要想一想，好好安排佢地的後事，為環保出一分力


政府回收網網頁:
https://www.wastereduction.gov.hk/chi/index.htm


在這裡尋找回收站／回收點
https://www.wastereduction.gov.hk/chi/quickaccess/vicinity.htm#2

八萬元建學校

唔知大家昨天(9/7)有冇看無視的向世界出發，這集是講甘草演員余慕蓮女士捐錢在貴州建學校。我初時看預告以為建一所學校最少都要幾十萬，甚至百萬，節目出街才知只要八萬人仔，心裡第一個感覺是：“唔係呀，八萬夠起嗎？”跟著節目簡介了貴州那兒的生活水平，每人每年只係賺七八百元，八萬對他們來說真是天文數字。八萬對大部份香港人來說並唔係一個很大的金額，大部份人都有能力捐贈，只是不捐而已，生在富裕的香港，有能力應該幫助下其他人，莫因善小而不為。不過年輕的大家亦不宜過份捐款，只宜多做義工。

點解？之前睇過老曹(信報的曹仁超)的文章，他指出年青人應將本金不斷滾大，到晚年真正有能力才去幫助別人，一來金額會更大(當你投資有道)幫的人更多更高效，二來免得將來或老來返過來要找人幫，三來做義工可以令生活更有意義，學到更多的東西。我都覺得甚有道理，現時最多只能捐一千幾百，能幫到的人並不多，如果把那些都用作投資，把回報一併捐出未更好，希望可見的將來自己可以捐一百幾十萬去幫助有需要的人，現在做少少捐獻就夠了。做義工反而可以再多想想，真的很久沒有做義工了。

養尊處優後遺症

今個星期實在太累了，連續３日工作超過１０小時，可能養尊處優太耐，小小事就作病。今早起來有點天旋地轉的感覺，但仍要上班，明知今早返工無urgent野要做（因為urgent的之前已出晒）都沒有請病假，因為星期六office人手少（得平時一半），如果多電話，真得會應付不下，所以便帶著疲倦的身體回去。

行下精神真係會好D，返工的路上除了上車落車還要走十五至廿分鐘的路，返到office雖然仲有ｄ頭痛，但已經鬆了很多。開工做了一會，雖說無急需完成的工作，但總有些事情要做，只好慢慢去做。做做下無乜mood就開ｏ左個word寫一寫這個blog，上網睇新聞，反正上司已離開，同事們又一起做蛇蛇。可能這是這份工的好處，只要你能完成手頭上的工作，在唔影響到其他人的情況下可以做自己喜歡的東西，當然有野要幫手就要做番正經野。

好容易又放工，長週的星期六下午我多數會去圖書館（無人約，又無野做），看看書，睇下碟。今日太累所以借了一張貝多芬音樂來聽。閉上眼睛聽了近一個小時，雖然沒有睡著，但感覺很relax，同輕鬆。

叉了電後就借了《自我增值攻略》的VCD睇，聽了很多技巧同提醒。當中有講到善用時間，情緒的處理，雖然有很多道理都早已聽過同消化過，但溫故知新我覺得係有得著的，有機會再同大家分享下。

為了完成日日有新文章的目標，我想有空的時間就多寫幾篇再以準不時之需。