說投資

今個星期港股大跌大起，把握唔到這次機會，轉變來得太快，有些少反應唔切的感覺。現在作出少少檢討/反思：是不是沒有膽去贏，風險係高，但回報同時吸引，有些東西明顯是超值的，有數得計，最多只會貴坐一陣，長線一定無問題。到價就入，之後就等，方法講就好似好易，做真的很難，超值之後可以超超值，大特價之後可以出跳樓價，等跳樓時再入，不是更好嗎？真的不懂如何去做，所以就選擇了不變應萬變，可是就因為咁而錯失了百年一遇的機會。

現在追入，風險更高，回報同時減少。不行動，沒有風險同時沒有回報，那又不是自己想的，真是很矛盾。人年輕其實應該有更多的勇氣，就算輸了人還年輕，輸的亦不多，想想找找還有沒有特價貨，雖然沒有在跳樓價入，但在大特價買都算唔錯。如果沒有就站在一邊睇戲好了。

自己常常講年輕人要多點勇氣，其實真係好難，所以要常常提醒自己，輸了又如何，一會兒又一條好漢，唔單只係投資，做人做事都一樣，未試過又點知得定唔得，奇蹟係人創造出來的，努力吧年輕人。