WinXP Tips 3: 唔洗拖來拖去, 用SendTo一Click搞掂

如果成日要將d files抄去一個地方，例如由HardDisk到USB手指，其實用drag and drop都已經好快下，但用send to (傳送到)仲快。

但大家唔知有冇發現唔係個個folder都可以用Send To，唔知大家識唔識加／減Send To的項目。做法好簡單，一講大家就會明。其實只係一個特定的folder內做一個shortcut就ok。

那個folder名就係: C:\Documents and Settings\[username]\SendTo
[username]就係你login個username，例如：username 係stockddd，個path就係C:\Documents and Settings\stockddd\SendTo

因為這個folder係default hidden的，所以一係enable show hidden folder / file再自己click入去 or 自己係Explorer到打條path。

除o左抄file外，仲可以用特定program開選取了的file。

講o左咁耐仲未知Send To係邊？？？係Windows Explorer到，選取File後Right Click，就會見到Send To(中文叫傳送到)。

講住咁多先...

WinXP Tips 2 : 活用keyboard shortcut 快夾爽

用windows無mouse得唔得？點解唔得，其實有時用keyboard仲快，仲準。今日就介紹一ｄ常用的windows keyboard shortcut。

先來基本三寶應該無乜人唔識：
CTRL+C (複製)
CTRL+X (剪下)
CTRL+V (貼上)

跟住係九成software都有差不多的shortcut：
ALT+F4 (關閉使用中的項目，或結束使用中的程式)
F5 鍵 (更新使用中的視窗)
CTRL+Z (復原)
CTRL+A (全選)
CTRL+N (開新檔)
CTRL+O (開啟)
CTRL+S (儲存)
CTRL+P (列印)
CTRL+Q (離開)

最後就係用於windows環境的shortcut：
CTRL+ESC ( 顯示 [開始] 功能表)
ALT+TAB (切換開啟的項目)
ALT+SHIFT+TAB (切換開啟的項目(反向))
ALT+ESC (依項目開啟的順序循環顯示項目)
Windows 標誌 + D (顯示桌面)
Windows 標誌 + M (最小化所有的視窗)
Windows 標誌 + SHIFT + M (還原縮小的視窗)
Windows 標誌 + E (開啟 [我的電腦])
Windows 標誌 + L (鎖住鍵盤)
Windows 標誌 + R (開啟 [執行] 對話方塊)

WinXP Tips 1 : 顯示多一點, 工作快一點

這個技巧是增加開始功能表中最近開過的程式shortcut，default係５個，但多ｄ就一定方便ｄ。如果有ｄ係常用，仲可以drag & drop到上面，變成常駐short cut。

唔寫咁多，一圖當千字，大家可以自己睇。

開始時:


完成時:


步驟 1

步驟 2 - 7

又一個八號

不足一個月又一個八號波，估都估唔到無la la就有一個長周末。今日在公司有少少空檔，想了一會網誌的方向。現在來來去去都係吹水多，無重點，應該集中d...乜都好要多.要精先有作為，所以放o左工係library找了一陣書，準備整理一set xp tips and tricks，幫到自己又可以幫到其他人，明天開始，每日一tips，打算先寫幾日，再review。

慳得一蚊得一蚊

慳得一蚊得一蚊...物價越來越貴，人工仲未知有冇得加，要諗下開源節流。網賺應該行唔通，一係轉貼人地d專欄文章，再post上forum才可加人流，但好似係犯法，自己創作又做唔到好多，吸引力一般，要再想想另一個開源的方法，你地有冇好介紹。

開源未得，就要節流，要減少不必要的開支，例如零食，雜誌。

奧運月時間不多，因為太多時間去ｏ左睇電視...不過真的要認真想想。

奧運熱

近排成日掛住睇奧運，放工都無乜做其他野，只係睇奧運，連blog都無時間寫，不過奧運四年一次，今次仲係自己地方，真係百年難得一遇，又係放暑假時間，返工咁辛苦，回家應該好好休息下。

日日睇中國隊比賽，認識了唔少運動項目，亦體會到運動員那份執著，堅持同毅力。

劉翔有傷在身，仍不顧危險嘗試出賽，雖然最後他亦因傷退出，無法爭金，但他對比賽的那份堅持，真是值得我們學習。

中國加油，劉翔加油，好好養傷，他日再在田徑場上為祖國爭光。

Working Hard, Playing Hard

"Working Hard, Playing Hard..."一句句HKU cheer又在港大校園響起，新的學年又快將開始。

想一想時間過得真係好快，轉一轉眼又一年。要加緊努力，不可再浪費時間。Working hard, playing hard 就是叫我們凡事盡力，好似要爭取金牌一樣，一時的鬆懈就會將金牌送給別人，每一步都要小心，勇敢地走，不要怕跌倒和失敗，這樣才能發揮出自己本身的實力，就算輸了亦無愧自己。

中國隊加油!

一連睇o左幾日中國隊的直播，幾日都輸，真係失望。女排兩次都在領先下反敗對手，更加令人失望，點解開頭打的咁好，越打越差，係唔係主場壓力太大，中國加油出現了負作用？壓力太大令球員發揮不到應有的水平，可能這正是中國隊的問題，希望中國人能克服困難，發揮出應有的水平，能否奪金並不重要，重要的是要發揮水準，唔好浪費努力訓練的血汗。

中國加油！

結交良朋益友

有時返工都會攞番份都市日報睇，除o左睇新聞頭條都會搵黃毅力的CEO實戰手記睇，可能佢好正面，寫ｄ野幾arm睇。以下一篇係上個月的，覺得幾有意思，所以同大家分享下。

正與他所講好的朋友互相幫助，一加一可以大過二，但交了損友卻會帶來反效果，他寫得不錯，講野都幾有point，我很認同他的一句：「人的命運就等如鏡子一樣，你怎樣對人，他人便怎樣對你。」，雖然事實住住並不如是，世界上總有壞人，但如果人人都這樣想，或者你所交的朋友都是這樣的想，你的生活就會變的更美好。唔講咁多la…有時覺得自己好長氣咁。

這是一篇值得大家花少少時間一看的文章，誠意向你推介。

轉貼: 2008年7月22日都市日報 實戰手記 | By 黃毅力

(http://www.metrohk.com.hk/news.php?startDate=22072008&newscat=5&newsid=83752)

===================

中產煩惱之 如何結交良朋益友

朋友是可以選擇的，選到好的朋友互相扶持，互相提攜；相反，就是繼續在大染缸裏浸染，近墨者黑。

在過去三個月，天氣極之惡劣。紅色、黑色暴雨警告、甚至是八號風球都出現過，所以大家都經常問我，有沒有做戶外運動，習慣會否被天氣影響？有些人也都經常說，我曾經做過警察，所以生活非常有紀律，以致我會有做運動的習慣。在此我想澄清兩點：第一，不是每位警察也是很有紀律的。第二，你猜我是「鐵打」嗎？我也有惰性，也會用藉口。

我有一個很好的良師益友，他除了教懂我很多寫文章的技巧，我們還會有共同的意向，就是協助大家做多一點運動，我們不時都有「契約」，相約一起做運動，風雨不改。如果單靠自己的話，肯定不會有恆心，但當有一個伙伴，你想「放飛機」都難。這樣，我們便可以做到「正面交叉感染」。在中產世界裏面，都有很多失敗的一群，他們都是經常「做運動」，但只是每晚去劈酒，溝女，去做這些「吹水運動」。

也有很多讀者都經常問我，可否介紹美女給他們認識，或者有否好男人介紹：還要單身，還要有型、有錢。同時，他們亦希望結交一些正面的朋友，幫助他們成長、上位，甚至乎提高自己的身份及地位，但從來沒有想過：為何他人要幫助你呢？用一個換位思考去想，你有沒有去幫助比你能力更低的朋友呢？或者，你有沒有刻意去結識身份地位比你更加差的朋友呢？有的話，我恭喜你！因為必定會有身份比你高的人願意提攜你，去做你的朋友，如果沒有的話，你便要檢討一下：做人是否戴上有色眼鏡？憎人富貴厭人貧？

朋友是可以選擇的，選到好的朋友互相扶持，就等如攀石一樣，大家只會愈攀愈高，愈攀愈安全，可以用同一條繩，走同一條路，互相提攜；相反，你亦可以選擇另一個方向，就是繼續在大染缸裏浸染，近墨者黑。

中產需要在生活與工作中取得平衡，減壓最好的方法，就是結交一班朋友。不要計較他們的背景和身家，只要他能夠令你有正面的態度，及正確的人生觀，或者可以令你鍛練出健康的體魄等等，這些朋友都是多多益善，少少無拘。

人的命運就等如鏡子一樣，你怎樣對人，他人便怎樣對你。好的朋友，其實亦等如心理醫生，當情緒出現問題的時間，最好的療法，就是找到合適的朋友去開解你。用他們的人生閱歷，去引導你納入正軌，消除情緒上的壓力，與友人分享問題，不但可以紓緩在情緒上的困憂，還可以找到解決的方法。在生活壓力這麼大的社會，有好的朋友在身邊，一方面可以替你減壓，調節你的心理狀態，另一方面可以透過他對你的影響，為你的未來，作出今日態度的改變。

這個世界有一句說話：「物以類聚」。你要得到生活和工作上的平衡，在職場上，或在職場背後，你也要建立不同社群的社交圈子。例如：你可以透過進修或參與自己喜歡的活動，找到志趣相投的朋友。做人不要斤斤計較，有了無私的心，幫助到別人自然會有人賞識你，願意跟你做朋友。還有，切記交朋友是要時間去培養和信任，以及要時常互動，並沒有即食麵的方法。

金牌背後

近日經常睇奧運，可能係中國舉辦的關係，今次係我睇得最多的一次。

每次看到運動員拿到金牌，心裡都會有點激動。努力過後才會得到金牌，在奧運會中沒有一個單靠運氣的金牌得主，每位金牌得主都付出了無限的汗水和心力。好像是女子柔道金牌得主冼東妹，自己生了BB一年都沒有就歸隊練習，真得如另一位中國金牌得主所講（忘記了是誰），要得到金牌就要放棄一切，但付出了一切並不等於可以奪金，因為同時有無數付出了血汗但不得到奬牌的無名戰士，一將攻城萬骨灰，現實就是這樣的殘酷。

有時要得到一些東西就必須放棄另一些東西，一得就有一失，為了夢想不要太計較，勇往直前，義無反顧地做才會到達成功的彼岸。中國加油！

開心工作最重要

返工最緊要開心，一日返成最少八個鐘，唔計訓覺大部份時間都是在辦公室，如果做得唔開心真係幾辛苦。自己一直無轉工其中一個原因就係做得開心，雖然同同事之間唔係太熟，畢竟年紀﹑興趣都唔同，但大家都認真做事，一心一意地為著完成工作，合作得很愉快。而且工作的難度不大，自己勝任有餘，做事時只要小心謹慎一點，出錯的機會不會太大，所以做起來都幾輕鬆下。

不過最近有些改變，太多人查詢電話，辦公時間根本不能正常工作，如果再唔加人接查詢電話，遲早會出事。唔講太多la...只希望明天會更好！

開幕式(二)

運動員進場後的傳聖火可以話係將整個開幕式推至高潮，最後一棒由體操王子－李寧接棒，他在鳥巢頂跑，真是估佢唔到，雖然係吊wire，但要同時握穩火炬，做出跑的動作，真係非常費力，是盡不容易的事，亦非一般人可以做到。李寧是前體操冠軍，玩吊環，鞍馬，手之耐力應該沒有大問題。忽發奇想，李寧的演出會不會帶他自己的品牌走進世界，試想下一時間全球四十億人認識到李寧，以他為名的品牌即刻國際化了，所以如果可以早一些買入李寧，星期一可能有成10幾個巴仙的升幅，唔知有冇估錯，星期一要跟進一下。

精彩的開幕後繼續睇奧運…看看這全球的盛事。

P.S.今日得到了兩張奧運馬術門劵，是阿嫂給我和媽媽買的，下星期可以親身體會這個盛事。

精彩的開幕式

今日一返到公司就同上司同事們講寧願聽日返工都要早ｄ收工返屋企睇開幕，結果工作順利超額完成，六時多可以走，聽日仲唔洗返tim…正！

講番開幕式，真係好精彩，雖然到現在只係睇o左一半，仲未點聖火，依家運動員進場中，睇到都有ｄ悶，不過發覺自己原來好多國家同地方都未聽過，唔睇真係唔知自己原來只係識咁少野，真係要努力ｄ睇多ｄ書，玩少ｄ。

頭一個鐘的開幕式只可用非常精彩來形容（自己識字太少）。個個項目都係千人操，咁多人一齊做咁多個動作，都可以咁齊，節目一個連一個，整個表演可以話係沒有冷場，真係非一般的國家可以做到。如果我是下屆倫敦奧運的搞手就認真頭痛，咁精彩的開幕真係可一不可再，下屆仲有乜新玩兒可以找到突破呢？

等運動員進場完畢，再繼續睇埋下半場，聽日再講。

是日七夕

今日農曆七月七...聽日新曆八月八...連續兩日都係孖日很有趣。

聽日就係奧運開幕，期待它的開幕禮，電視報紙都講都好吸引咁，家中雖然沒有高清，但如果唔洗OT（今日OT到八點九）都想安坐家中看一看我們中國的第一個奧運。

共產黨的動員能力一向都很強，看看四川救災就知，今次奧運，全國上下一心，定要辦好這個奧運，希望天公做美，唔好落雨，完美地演出這個令人期待的奧運。

天賜的假期

最近很忙，返工有返工的忙，放工亦有不少東西要做，總覺得休息時間不久，今日突然來了一個八號風球，仲可以放足一整日，真係要多謝上天，在我很需要休息的時候給予我這一日的時間叉電。

日日寫blog真係有ｄ壓力，開始唔知寫乜好，係唔係要日日寫，重量不重質呢？我的想法是：每日一篇，不論是好是壞的文章都要交一篇。當寫得多，總會有一兩篇好文章，好主題，如果要等到有好主題才寫，很容易因為懶惰，唔去想，唔去寫，這樣好文章就一直不能寫出來。

所以可能我是在寫垃圾，浪費了大家的寶貴時間觀看我的劣作，不過再想，你地都是有空才上來，我寫的東西，或多或少都可以刺激到大家去思考，去想想。

這裡是自己的練習場，這一早就說明了，要多練習才會有進步，如果你看到這裡，我在這裡向你說聲多謝，亦希望你能原諒我不能寫好每一篇網誌，不過有空一定要再來，看看我有沒有進步。

想了就要做

想了就要做…只想不做只會浪費時間，想完又想更加浪費時間，拿出一點勇氣，輸了不要緊，那有一個人一出世就會行會走，大家都是要跌過痛過才會行，為甚麼人大了，膽子卻小了。俾d信心自己，俾個機會自己，未試過又點知結果呢？可能成功就在前面等著你。加油吧！

大學買手提電腦

每年學期初大學都會有notebook的promotion，很多新款notebook都以市價的五至七折發售，價格真是很吸引。所以每次有朋友話想買notebook，我都會叫佢等這個時候。

今年表弟打算出國讀書，所以需要一部notebook，我就當了他的選機顧問，看了大學的價目表，再出去百老匯等電器店比較，大學價跟本比市價平了一大截，在市場買機只有可以即時取貨的優點。大學機平可能因為大學機由代理直接銷售，零售店賺的錢就直接回饋給學生，可見直銷的威力。

選了一個晚上還未選好…要多等一會，看看有沒有更jetso的機種出現。

相識非偶然(續)

昨天太累，沒有時間多講講我的想法…

我相信緣份，兩個人能在4維空間中相遇﹑以至結識真是一種緣份。古語有云：「百世修來同船渡，千世修來共枕眠」，能夠做得成朋友我諗都要五六百世，所以真的要好好珍惜每一位朋友。

在現今的社會做朋友的不一定要常見面，但亦要常溝通，過時過節給一張e-card，發一個sms/msn，又或者打一個電話寒暄下，起碼大家都知道對方近況。

有些人好日都唔會聯絡，每次收到電話/msn九成係問電腦問題，有時心都淡，有事先找我…雖然我都好耐無找佢地，咁當打和。

之前幾年我都有做e-xmas card，不過做o左幾年就無心機再做，要keep住做，又係單方面有時真係幾吃力，我指係心力…

希望今年會再有心機為大家再做一張xmas card。

歌曲: 相識非偶然

今日突然想起這首歌...
找了一會都找不到Youtube版MV...只好放上歌詞...遲d有機會再加番.

==============
相識非偶然 譚詠麟

願永遠兩依戀
願我與你永遠情不變
情話句句永講不厭
亦沒法完
危難處兩家彼此勸勉
情互獻又似春風送暖
莫說相識非偶然是天公有意差譴
沒計算愛深淺　但我已覺察到情溫暖
期望愛意永不改變　默默愛憐
緣份有了始終可碰見
能遇見月姥穿針引線
願信相識非偶然彼此一見意相牽
情牽一線
懷念那天共會面那日初相見
令我心即刻似觸電
情路挽手共漫步
永行不厭我在你你在我身邊
願永遠兩依戀在腦海常可看見
共你牽手走進教堂　開心等那一天情牽一線