寬頻失效記(一)

上星期五家中的寬頻上網失效無法上網，便致電電訊商和記call維修。眾所周知各電訊商都係安裝快，維修慢，心想最好星期六可以完成，因為星期日有兩份功課要交，無法上網的話會有好大影響，可惜事與願違，回覆係最快星期日先安排到。為了解決緊急上網的需要，便參考了公司的方法，運用無線電話網路上網，但沒有那種modem，無理由分成千大元去買（公司就話有錢花，個人緊係慳得一蚊的一蚊）。想一想自己的PDA phone可否當modem用，曾經聽過用電腦經手機上網超貴，一路都沒有試過，今天真的要試一試，萬一功課上真的要上網都有後著。

先講講本身的PDA phone已插了一張３的3G儲值咭，數月前買回來試機的，到現在還未用完，可能自己太慳，成日都唔用（講真係屋企，公司，學校，大型商場，圖書館都有wifi上網，要用3G的多是坐車時）。手機用儲值咭上網收費$0.02/KB，成廿蚊1MB，雖然HK$40左右有$150儲值，但計番1MB都要六蚊左右，都真係好貴下，加上無上限，用用下無得用未大件事。其實我知有ｄ咭係有每日上限，唔會用用下無得用，公司就係用數碼通的儲值咭，$2/MB，$48/Day，不過一個月內要用晒。之後再睇睇和記，和記都有一張Data Card(藍色的)，又係$2/MB，$48/Day，不過就有180日使用期，好似和仔抵ｄ，同埋仲有CSL都有prepaid sim不過就得day pass，如果用得少好唔抵。所以最後就買了張和仔prepaid，貪佢用唔晒都可以放半年。

跟手返到屋企就試，原本以為好難，要set好多野，原來只要用USB connect，disable active sync，再用係程式集(WM6.1手機)->網際網絡共用->Set USB->連線->等一陣就搞掂。

結果係點...由於時間關係...下個星期再續