最有價值的投資項目

本來今次想同大家分享一下係熊市中的救生/搵錢大法，事源係我科intelligent information system份功課就係分析一個專家的對熊市中對應的策略，可惜到今天我還未完成，只好留待下個星期。

今個星期就講下一項最有投資價值的項目－唔係金股匯，更加唔會係雷曼果ｄ，那個就是項目就是投資自己。

投資自己？我打算從六個ｗ：what, who, where, which, when, how講何為投資自己。

Who? 好明顯就係自己本身，但亦可以係子女，點解子女都算，因為子女可以說是自己的延續。

What? 用乜野投資...簡單的就是金錢同時間，尤其是時間，那是生命中最寶貴的資產。

When? 當然係越早越好，早投資早回報，並要放長線，短線的收益並不明顯。

Which? 投資乜野好，廣泛去講就是學習，學ｄ乜，就要睇下自己，可以係進修與工作有關的東西，亦可以是興趣，去旅行亦可算是學習，俗語都有話讀萬卷書不如行萬里路，四處遊歷，增廣見聞真是一個不錯的學習。不過有時你明明想學A，誰知學到的竟是B。

Where? 要視乎你想學的東西，有的有固定的地方，例如學校，有的沒有，例如遊歷。

How? 如何入手？基本上有兩種跟人學，自學（睇書／睇網）。

點解認為投資落自己到最有價值？因為學到的東西別人是不能偷去的，還有知識增加，生存/賺錢能力亦會提高，被騙或錯失亦會減少，此消彼長下，回報相當可觀。

由於時間關係，今次只能寫到這裡，自覺都有些不足，但可當作一個引子，給大家思考思考，有機會我希望能再寫多一點，請給我一點時間去思考，整理所想。