禍不單行

上網整好無事一個星期都不夠，部電腦又唔聽話，成日自己reboot，多數開機５分鐘內reboot。今個月又係功課月，真給它玩殘，重要關頭才有問題。好彩家中還有一部媽媽的電腦可以應急，還可以和groupmate email溝通。

講番部腦，真係唔知壞乜。因為佢成日自己reboot，停係bios到都會reboot所以排除了windows問題，加上一reboot時風扇會停，所以就懷疑是火牛出了問題，決定換牛一試，同一時間上網上forum問下，睇下有冇高手教路。

由於家中沒有spare牛，所以要放工去黃金睇下有冇雞牛賣，平平地試下係唔係隻牛出事，如果係就將牛牛送保（五年保養無理由用唔夠兩年就bybye），去腦場途中忽發奇想，其實修牛要幾耐，中間有冇牛借用呢？於是便打去代理問，那時都近七點，但好好彩仲有人接電話。服務員告之一般火牛只須３０分鐘至一個鐘就可修好，如果有嚴重問題可安排借牛。服務真的不錯，好過和記多多聲。

由於係咁，買新牛試的必要沒有了，等一日半日可省一百幾十，在這時勢下慳得一蚊得一蚊。雖然維修要在辦公時間，自己不能去，但家中還有媽咪得閒，請她出九龍灣走一趟應該唔係問題。去到黃金還是要看看牛牛的價錢，上次和記的服務令我覺得CS有九成唔可信，要做定兩手準備，萬一牛不能即時修好，又沒有牛借，都要有ｄ臨時方案。

走了一個圈，最平的牛牛是80元，價錢合理，100完能買到幾日方便都可以接受。跟著走往新高登看看二手牛的價格。一般貨色的二手牛都要百幾，同款的新牛才二百多，二手佬都食水幾深下，不過可能係mark高等你還價，我沒有問題，只看了一會就走。

講真揀牛牛就唔好貪平，長期用的話穩定性好重要，牛牛有問題少則hang機，大則燒板燒U，巨則會引發火警，無謂因少失大，雞牛買不過，二手更加唔好貪平（雖然都唔平）。

第二天，媽咪帶牛牛去修理，結果時牛牛無壞，但不算白走一趟，因為她發現了代理那兒有平價的case，火牛賣，case只係百多元，最平5０幾，全新的牛牛最平只係５０，話晒都係大牌子，應該有保證，有機會要自己上去睇一睇。

同一時間，收到網上的高手回覆，唔排除係壞ram，建議我行ram test一條條ram試下睇下有冇問題。自己無辦法唯有聽下人講。

回到家，將所有野重新組合，開一次機先試一試，發現沒有了reboot問題，心想行一行ram test睇下長開一陣有冇事，結果行了個多小時，沒有問題發現，完全正常。既然沒有問題，就入windows行下，最多密d save，直到今天已經沒有再自行reboot，真奇怪。唔知發生咩事，搞了幾日，好似乜都無做到，無lala又無事。

Anyway，希望唔可再有問題發生啦。