記行山

近半年沒有行山了，原本星期日的行山活動提早了一天，一行六人走走大潭水塘。五位山友中四人都不太認識，可以話新相識的。他們的速度和從前一行的hallmate比，真的比較慢，應該走３小時的路，足足走了四個多小時。以前見人過人，現在就俾人過頭，連小狗都比我們快，不過一邊行一邊傾計，感覺都唔錯，加上天公做美，有舊大雲，間中有風，好舒服。

水塘的水較我估計的多，瀑布般的排洪卻看不見。anyway總算愉快的一天。

行山後一眾去食晚飯，言談間講起步行速度，我話他們慢，他們卻認為放假應該放慢腳步。我唔知佢地平時係唔係行得快ｄ。其實我都唔算行得快，放工時間係中環，我速度真係算偏慢。