網賺

在網上賺錢

近排股市難搵食，要想想方法開源，在網上search了一會，發現有不少賺錢的方法，寫blog是其中一個．有人寫blog月入6000港元，看來是個不錯的收入，但談可容易呢?

和朋友們討論過，他們說只要將相片上載或拍段video就可以發大財，我想如果係咁易，個個都發ｏ左，不過亦有少數的成功例子，講多無謂，不如小試牛刀．

話寫blog係零成本，其實要投入唔少的時間，時間即係成本la... Anyway依家放暑假，就俾兩個月時間，九月果時睇下賺了多少．

暫時賺錢方法：歡迎提供
1.Adsense
2.Click Download

我的計劃／目標：
1. 每日用３０－６０分鐘的時間寫blog，內容不定，可以係時事，可以係電腦，可以係金融，每篇一百字左右

2.將有用的東西整理放上網，找到了一個儲存空間，他人下載可以分佣，所以就將自己認為有用的東西放上，再加入blog到，睇下有冇人睇同download，一方面可以幫自己整理知識(尤其係電腦野，好多時同一樣野隔一陣就要search過，浪費唔少時間)

3.練習下寫文章，睇過黃霑博士的講座，佢話佢自己十五分鐘可以寫一千字，真係快過抄．佢話佢都係練番來，之前佢只係要45分鐘．我唔貪心，一個鐘有一千已經好好．

我會將我這個blog forward出去俾一眾好友，等佢地幫下手，做個少研究，睇下係唔係一日可以有１００個click.