歐國盃

四年一度的歐國盃今早終於完結了．本來一直都無打算睇直播，但昨晚心血來潮就setｏ左鬧鐘，完整地睇完90分鐘。

唔知係西班牙勁定係德國屎波，全場德國隊可說是毫無攻勢，輸一球真係算少。耐無睇過波，球員都唔係好認識，只係識少少德國隊員，因為０６世界盃我是支持德國的，大部份主力都是世盃人馬，相比起班牙，我只識門將卡施拿斯。西班牙的小組真是打得很好，傳波，走位等基本功，的確比德國高最少一班。奪標是實至名歸，可憐的德國主將波力克又一次在大賽中拿亞軍。

想想自己的中國隊，2010世界盃早已出局，有13億人口的大國竟然找不到11個識打波的球員，聽過一些報導，中國隊最叻就是出矛招，聽了真覺得心傷。

Anyway, 今天很累，要好好休息休息。

寫Blog難 - 定懶?

今日唔講我的夢住...因為有其他野想講.

原來日日寫blog都幾難下，第一要有話題，第二就要有時間．自知自己係一個經常虎頭蛇尾，三分鐘熱度的人，開始時總是充滿幹勁，慢慢就會give-up，沒有繼續下去，好想改變，雖然好想好努力去完成每一件事，每一個目標，但最後總是太懶，提唔起勁．為了解決這個問題我曾經試過唔同的方法，可惜成效不是太好．

在此寫下一部份，希望有心人可以指點指點．
１．將你想完成的東西告訴你的家人，好友，讓他們給你壓力，像老師給學生功課同死線一樣．在壓力之下，成功率會很高，但一定要算對這個壓力給予者，如果佢沒有做好佢份工，沒有施壓，作用並不太大．
２．奬勵法：定下想做的東西後開出一個條件，完成了就給自己奬勵．這方法試過但得不到效果，因為那奬勵並不太吸引，選對適合的奬勵是很重要的．
３．懲罰法：有奬有罰，不能完成就要罰，例如罰跑步，唔准買小食，玩遊戲．這方法在我身上唔係好得，可能我適應力強，跑步即做運動，唔食小食可以唔食，唔玩game可以睇書，基本上唔會對我有好大影響．可能你會覺得懲罰唔夠，那什麼懲罰最好呢？可以的話給我意見．

今日係咁多，很抱歉未夠一個星期就無寫兩日．沒所謂反正都沒有人來．　

我的夢

夢想－個人的目標．

唔同階段有唔同的夢想，我想大家在小學時都寫過我的意願，能達成嗎？當時我寫我的意願係做一個出色的廚師，中西美食樣樣皆精，現在回想不敢發笑起來，現在的我只係識用水烚熟，煎下蛋等一般野，真係炒條菜都唔識．

再大個ｄ去到中學，自己想過做寫game俾人玩的programmer/designer話，因為自己都愛玩電腦遊戲，常常都覺得遊戲中有很多可改善的地方．

入了大學，想過做老師，因為我很喜歡教懂別人那份滿足感，教學相長，教識別人時，自己亦會學懂一些東西，例如一些平時唔會留意的地方，唔會嘗試明白的地方，因為要別人的提問，和人之間之討論，必有所得，俗語都有話三人行必有我師，但自知不是老師的好材料，表達能力較弱，畢業後並無讀Cert.Ed.．可能那時的決定係錯的，到現在我都很想當一會老師．

就係因為咁，曾想過如果中了六合彩，我會開一間補習社（不是現代果種，而係屋村細細間果種），小時間家貧，沒有到過補習社補習，體會唔到補習究竟係怎樣的．好好彩，畢業後在偶然間當上了補習社的part-time睇堂改功課導師．補習社的事日後有機會再講．

我想開的係一間會教小朋友電腦的補習社，因為我無乜叻，中英數理化都係一般，所以唔可能有人會俾我教haha...

夢可唔可以成真呢? 時間夠，聽日續

善用時間 - 3

先前講到要自己善用時間必須為自己定立目標，有了目標才可義無反顧的向前走，沒有目標只會左走走右走走，達不到成功的彼岸．

究竟自己的目標係乜？其實我自己都唔係好清楚．知道自己唔係要做大富大貴的人，每日過得開開心心就可以，可能要求太底，這些目標應該留番老ｄ先，現在應該努力ｄ，學多ｄ野，賺多點錢，到有需要時一定會用得著．初初畢業時曾定下了大大小小的短期目標，好似考車牌，考專業試，讀書等等，這些目標一個一個的完成了，但有一些連門都未找到，那是什麼遲些再講．

有目標去做真係很會善用時間，好似我要睇完一本書，等車時又睇，坐車時又睇（只限MTR，坐巴士我就唔得），不一會就完成了，同樣地內裡的東西不一會就忘了，不得不承認我是善忘的，很多東西不一會就忘記了，曾經想過寫閱讀報告，因它可幫我記著書的重點，將來可能有用，但一直都無實行，是太懶了，沒有老師迫的我又怎會有動力去寫呢．

所以要善用時間，一定要有目標，時間才會並善用，不然只會浪費在沒意義的東西上．

沒有長期的目標很多時使我失去方向，不知做什麼好，所以我立下決心尋找我的終極目標 - 我的夢想．

你呢？你有冇夢想，有乜目標？可以分享下嗎？

聽日我會講下我其中的一個夢，一個想了很久但門都沒有的夢．

善用時間 - 2

續昨天善用時間…

昨天講到怎樣運用平日的黃金四小時．如果無目標好多時都會浪費ｏ左係睇電視，玩遊戲等娛樂上．唔係要做到零娛樂，不停地工作與學習，以係要好好分配時間，工作有時，遊戲有時，善用自己的時間在有意義的地方．

講回正題，什麼是目標，可以係長遠的終極目標，又可以係短線的一年，一個月，甚至是一星期．定了目標就要努力去完成，尤其是短線的．因為在定立目標時時間越短，變數越少，能完成的機會就越高．所以在完成長期目標的途中，定立小小的mile stone亦是需要的，給自己時間去思考，去修正自己的目標．完成目標後亦要給自己奬勵，連自己都唔好好奬勵一下，鼓勵一下自己，做做下就會失去動力．有奬有罰好公平，完成唔到目標不單要好好檢討一下，看看問題所在，如果係自己人為因數，例如自己懶惰，就要罰下自己，奬罰分明先會有進步，如果自知自控能力不足，可以同朋友，親人講講自己的目標，由他們幫手定賞罰．

寫寫下又寫ｏ左去老遠的地方，究竟自己的目標係乜？

時間又夠，下回再續

善用時間

上天是好平的，不論你有冇錢，乜野國藉，男定係女，每人每日都係有２４小時／１４４０分鐘／８６４００秒．成功與否就在於你怎去運用這些本錢．在現今社會，各種各樣機器的發明使我們節省不少的本錢，但同時各式各樣的娛樂的出現亦不斷地在消耗緊有的本錢，如何做出一個平衡可算是一大學問．

先計一計自己平日有多少時間可以自由分配：
返工８－９小時（好彩唔會有太多OT）另加２個多小時車程，訓覺就７小時，早晚兩餐又用了２小時，計一計已用了２０個小時，餘下的４小時就是成功的關鍵．

唔好睇少每一分鐘，鐵柱磨成針的故事大家都聽過，只要有恒心每日每日去做，一定會有成果．這些道理大家都明白，但找到正確的方向／目標亦很重要，磨針都要識得磨，愚公移山都要有目標，亂衝亂闖得不到好結果．這個問題我想了很久，究竟做什麼好，自己的目標係乜？．．．

夠鐘．．．每日寫一個小時．．．明日繼續

投資回顧０８年６月

之前定的國壽及國航都跌穿了心中的支持位，但都沒有沽出，是不是做錯呢?　短線應該是做錯了，但兩股都是愛股，買入時都打算長期持有，所以沒有違反嚴守止蝕的原則．

但問題來了，是不是每隻股都應定立止蝕呢?　睇過一些書和報紙，講法不一．有些說賣了遲些可以買回，最多貴少少買返，要保留資金；有些說如果係好股不必理會短線波幅，業績會支持股價，出出入入益ｏ左經紀．

賣了一會又升番以前試過多次，真係會買唔番，好似3.3的建行(那次由3.9滑下到3.2)

Anyway, 那兩隻股會繼續持有，收息都好過放定期(雖然股息率得1.xx%一年)．

如果股價再下跌，要考慮增持，可惜資金有限．暫時自我休市一會，努力做好我的blog.

網賺

在網上賺錢

近排股市難搵食，要想想方法開源，在網上search了一會，發現有不少賺錢的方法，寫blog是其中一個．有人寫blog月入6000港元，看來是個不錯的收入，但談可容易呢?

和朋友們討論過，他們說只要將相片上載或拍段video就可以發大財，我想如果係咁易，個個都發ｏ左，不過亦有少數的成功例子，講多無謂，不如小試牛刀．

話寫blog係零成本，其實要投入唔少的時間，時間即係成本la... Anyway依家放暑假，就俾兩個月時間，九月果時睇下賺了多少．

暫時賺錢方法：歡迎提供
1.Adsense
2.Click Download

我的計劃／目標：
1. 每日用３０－６０分鐘的時間寫blog，內容不定，可以係時事，可以係電腦，可以係金融，每篇一百字左右

2.將有用的東西整理放上網，找到了一個儲存空間，他人下載可以分佣，所以就將自己認為有用的東西放上，再加入blog到，睇下有冇人睇同download，一方面可以幫自己整理知識(尤其係電腦野，好多時同一樣野隔一陣就要search過，浪費唔少時間)

3.練習下寫文章，睇過黃霑博士的講座，佢話佢自己十五分鐘可以寫一千字，真係快過抄．佢話佢都係練番來，之前佢只係要45分鐘．我唔貪心，一個鐘有一千已經好好．

我會將我這個blog forward出去俾一眾好友，等佢地幫下手，做個少研究，睇下係唔係一日可以有１００個click.

港鐵票價表

早排無聊從港鐵網站下載了車費一覽表整理了一個excel放在PDA裡，以後坐港鐵前可以check一check到底要多少錢，同坐巴士又差幾多．現在放上來給大家分享分享．


Download: http://www.linkbucks.com/link/febd6aa9/17300

投資金句: 思路要正確

引用國航前老總李家祥書中的一句話: 思路正確打勝仗，思路錯誤打敗仗，沒有思路打亂仗
所以在投資前應作好進攻同後退的準備, 認清目標.

好似...要清楚

1. 買入的原因;
2. 前景係點;
3. 短期有乜事會對股價有影響;
4. 止蝕位;
5. 合理價(可能的止賺位);
6. 打算長/短線

當定立後就要盡力執行, 包括止蝕, 雖然可能會有錯, 但唔可以怕錯怕輸. 因買入的時機是重要的, 錯了就要立刻改正.

唔好再亂來...小心行事才可大贏...

大行報告: 中國國航（00753.HK）優於大市

中國國航（00753.HK）優於大市
　
　2008年4月中國國航的收入客公里僅同比增長0.3%，1-4月收入客公里同比增長6.9%，低於我們的預期。我們將中國國航2008年收入客公里同比增幅預測從13%下調至10%；同時將A股和H股2008年每股收益預測分別從0.50元人民幣和0.40元人民幣下調至0.40元人民幣和0.37元人民幣。我們採取40倍的2008年預期市盈率，將A股目標價格從18.63元人民幣下調至16.07元人民幣，同時維持H股6.92港元的目標價格，相當於18.8倍的2008年預期市盈率。我們對中國國航維持優於大市評級。
　　淡季業績不及預期。2007年航空業發展較快，即使是在3、4月份的傳統淡季，運營數據增長也相當可觀，而2008年3、4月航空運輸業收入客公里僅分別同比增長6.0%和5.8%。我們認為，這主要是因為安檢更加嚴格造成旅行不便、過去幾個月內出現的突發事件以及美國經濟衰退抑制了部分國際航綫的需求。除了上述幾個因素外，由於監管部門採取更加嚴格的安全監控，航空公司減緩了運能擴張的速度，同時石油價格上漲也導致航空公司減少了飛行。這一點從票價指數與前幾年相比相對穩定也可以看出。中國國航在四川地震災區的市場份額約為30%，我們認為受災地區的旅遊業恢複還需要一段時間，因此中期來看國航在該地區的業務將受到一定的負面影響。
　　旺季即將來臨。一般來說，每年的7-10月是航空業的旺季。我們認為旺季需求會反彈，中國國航也將借助其奧運會唯一一家航空客運合作夥伴的優勢地位來提升業績，其主營業務競爭實力雄厚，上座率在國內航空公司中一直保持領先。
　　（中銀國際）

我看國航

手持國航H股多年 (2004年IPO + 上年2007.817大奇蹟日後入市)

那時買入ipo的那兩手貨目標為10蚊+2008奧運...目標今年年頭已到...最高12個幾, 可惜無放到...四五個月由12蚊直插5個幾, 對公司的信心亦無動搖. 因為

1. 背著國旗的公司一定不會倒閉
2. 國內賺錢能力最高的航空公司
3. 中國人開始富有, 外遊工幹只有增無減
4. 有良好的管理層, 雖然李家祥離開了國航, 但我仍相信他曾帶領的團隊能發展好國航

短期問題係油價不斷上升, 雖然國內油價係有管制, 但遲早都會加價, 加上國航以國際線為主, 所以短期難以從上10蚊水平

長線要睇佢的客貨量, 與外國的大航空公司的競爭力

2008.6.3 收$5.63

如基本因數不變(油價可視為短期因數) 5蚊以下可增持