逃生門打開了

今個星期一股市大跌，心想月尾必有反彈，因為有老屈金。連跌多日，再跌下去大戶都會無乜水位賺，加上月頭ｄ月供基金（e.g.老屈金）／股票又會有水入市，我係大戶都抬番高佢等佢地入貨。只可惜未出糧，再無錢入貨，如果唔係都有幾千蚊賺下。

今日回望番以前買過的股票，差不多全部都返回起點或更甚者跌得更多，令我開始覺得長期持有係行唔通，高位回落就要走，實有低位俾你入，不過世事難料，no one fit for all，總不能一本天書睇到老，要學懂變通，多ｄ練習，交ｄ學費，總會有進步的。

到現在要想一想，反彈了，是否應該逃生，保留實力，再等大特價，還是繼續以不變應萬變，手中的股都是有實力的，蝕賣總覺得可惜，留來收息應同放銀行差不多，心裡很矛盾。