與君一席話

很喜歡和一些"叻"的人食飯，尤其係人少少果隻，覺得能從他們身上學到一些新東西。最近和一位朋友食飯，他雖然唔係電腦人，但熱愛新科技，和他討論常有得著。那天我們的話題就是PDA電話。

雖然自己轉用了有3G功能的PDA電話幾個月，但一直都無用過3G的服務，因為唔捨得，月費貴（是我本來的４至５倍），又無特別的killer application。朋友認為我浪費了手機，付出了但並沒有用亦是浪費金錢，他告訴我可以買prepaid咭玩下，試一試，在鴨記買幾十蚊就有成百蚊的儲值（千萬不要到便利店和門市買，因為那兒是正價，在鴨記只係一半價錢），上上網玩下HSDPA，體驗一下"高速"mobile internet，又可以同人玩video conf.（唔知有冇朋友想和我玩）。我覺得都很有道理，買了的東西不用就等於浪費金錢，未試過又唔知係唔係有用，人家開門做生意，如果無錢賺一早摺埋（雖然３仲係蝕錢中），用少少錢來體驗一下又何妨呢？

今日在公司係網上search了一會，發現３的prepaid咭較抵玩，又有HSDPA，便到鴨記用４４蚊買了一張有１５０蚊儲值的3G prepaid咭，上網收費都唔平要$20/MB，實收$6/MB，其實3亦有一張data咭，$2/MB，但見唔到有得賣，可能要去便利店用正價買，又無得玩其他3G function所以都係唔買佢住，玩多d function先。

Anyway，買了就試一試。聽日再報告下。